Polly Law's profilePOlly LAwPhotosBlogListsMore  |  Tools Help |
|
January 27 Wii自從我男朋友係聖誕節買咗部Wii俾我做聖誕禮物之後,我就好似傻咗咁,每一日都o係到打機.
依家仲好似有病咁,唔打過Wii我都瞓唔到.我嚟梗仲要使好多好多$$$$$$$去買新game添.
 仲好笑,我竟然為咗部Wii同我男朋友吵吵鬧鬧.真係得意!
佢當時為咗逗我開心所以買部機送俾我,但係我地因為部機所以吵吵鬧鬧.......不過好彩都唔係好大件事!嘈過就算.......嘻嘻
 二月份已經約好同事去其中一個屋企開個Wii Party........我買咗賤兔隻game....真係幾好玩......而且我覺得好啱一大班玩........諗起真開心!
仲有呀......cooking mama Wii版好快就有得買........我又要出血囉........
 不過都係值得.......放假分分鐘仲忙過返工...... January 16 大病一場上個星期三,我終放病咗啦!今次仲要係大病tim. 我都唔知幾耐未試過會病到床都落唔到.
成個人就好似被人打咗一身咁,求生不得,求死不能.瞓覺什麼姿勢唔得,仲要又痾又嘔.
咁都唔係最慘,最慘係原本病咗o既我,用咗最後一口氣走到診所睇醫生.
本來三點半應診o既醫生,三點四十五分都未開門
 ,四點去到又話醫生要五點先返到. 天呀..........我真係無精神同無力再行多轉.但我媽媽最後陪咗我返屋企先.
第二日,我都病到返唔到工.
病o個兩日,媽媽就好似我私家看護咁,我男朋友一走咗,佢就坐在我床邊,四個小時就叫我起身食藥,仲準備埋食物俾我,直至我男朋友放工返屋企.如果唔係我都唔知我幾時先至可以好番.
"媽媽,多謝妳!"
 成日都俾人話我生得牛高馬大,咁鬼易唔舒服.
 都唔知係唔係有問題,呢兩個星期,我一放假就會病,我真係傻傻o地.今日都流鼻水同頭痛.希望可以快D身體健康! |
|
|
