Polly Law's profilePOlly LAwPhotosBlogListsMore  |  Tools Help |
|
March 03 提親記自細都覺得提親係一件好老土的事情, 明明兩個人拍拖咁多年, 都應該談婚論嫁時候, 有時自己爸爸媽媽仲驚過妳自己, 怕妳嫁唔出tim.
以前媒人提親就會向女方攞時屒八字, 仲要睇睇吓夾唔夾喎.
過年前一個星期, 我八卦咁睇咗通勝, 知道其中一日係適合交易....訂婚之類的好日, 所以我叫我男朋友向我父母提親.
我男朋友為咗表示誠意, 佢特登係lunch time去買咗個生果籃.
食飯時候, 我男朋友好似好唔自在咁, 一直係度等機會同我屋企人講. 直至我地食飯後果時, 佢終於搵到機會
"世伯, 你可唔可以嫁個女比我?"
 笑死我啦.....哈哈!都唔知佢講梗乜嘢?
 相反我daddy就只係笑, 唔講嘢. 都唔知點解....佢平時咁多嘢, 但係呢個時候只係係度笑?????????
"我等咗你呢句說話好耐啦!"
Daddy終於講出心o個句啦!
我媽媽又係只係度笑, 佢只係講咗話無問題囉.......又乜問題吖?!我男朋友係佢麻省腳, 仲要係成日鬆章o個隻.......嘻嘻!
整個過程, 我brother 同sister輪流全程攝錄, 仲話要係我結婚個晚播出嚟.
"嘩!早d講, 我著咗件睡衣喎!"
我Daddy咁大反應, 無所謂啦!一家人嘛.
 |
|
|
