今日早收工呀. 所以早咗返屋企睇電視, 當然我部電視唔係淨睇 啦!

1. 什麼叫做"十二碼"? 點樣可以得到"十二碼"?
2. 什麼叫做"窩利射波"?
3. 什麼叫做"越位"?

有個女受訪者話: "十二碼咪o係那個 "框框"犯規咪可以得到囉!" (哈哈!!!!!!! "框框"??????????, 係唔係禁區呀?)

女仕唔識都唔出奇, 但係連男仕都唔多識喎!(仲要係剛剛買完波飛o既男仕) 問佢什麼叫做"越位"? 佢話: "將個波傳比越位o個個" (?????????? 佢知唔知自己講乜呀, 大佬.)

之後記者問番d簡單問題, 例如"每隊每場有幾多人出場?" 你估o下佢會答乜嘢?

女受訪者A: "係唔係十個呀?"

女受訪者Ao既朋友補充: "唔係, 連埋後補十三個."

我睇完之後真係笑到收唔到聲.

以為睇波o既人應該會好D啦.節目中攞咗相比那些顧客簡,叫佢地簡英格蘭球員. 佢地竟然簡咗打NBA的"高比拜恩" 同 "威廉皇子"張相話係英格蘭球員. 當話比佢地知時仲死燦話 "威廉皇子" 都係英格蘭啦! 真係唔知好嬲定好笑.  

有機會一定要睇番, 真係好精彩.