Windows LiveWindows Live™
 
 
Polly Law's profilePOlly LAwPhotosBlogListsMore Tools Help

Blog
    July 30

    君子報仇,十年未晚

    好唔開心呀,今日輸波.雖然比賽總會有贏有輸,到咗現在呢個年紀應該睇得好輕,但今日係為咗一年前飲恨一分輸波而戰.所以不容有失! Basketball 
     
    o係一年前同一項賽事,我同馬會同事就因為一分飲恨,結果輸咗個比賽. Depressed 雖然話"君子報仇,十年未晚", 但係我都唔知對手仲會有幾多年打,所以我要爭取每一個機會.
    可惜我今日遇到兩個吹波水平唔穩定o既球証 Ref 2,結果....  Mad .
    "我又報唔到仇啦!"
     
    不過唔緊要,只要我地下兩場win的話, Trophy 可以贏回來.
    12:08 AM | Add a comment | Permalink | Blog it | 智"慧森"林的日記
    July 24

    一週年

    唔經唔覺我已經响馬會做咗一年既一週年紀念.當然唔少得同班同事吃嘢.其中有雞翼  Chicken Wings, PIZZA  Pizza , 意粉 Pasta,  雲呑, 壽司及刺身 Sushi 等等. 大家都食得好開心, 最重要係有Yvonne既芒果蛋糕同黑森林蛋糕啦, 大家都讚不絕口! 真係要多謝Yvonne做咗兩個好好味既蛋糕.
     
     
     
    唔淨止係做咗一年既紀念,仲要收到公司加人工兼出bonus既信 Mail . 今次係我人生第一次加人工,真係要值得慶賀, 都算係對自己一種獎勵. 老土D都係咁話: "希望公司年年賺大錢,年年都有人工加,年年都可以出bonus!" 嘩! 咁就美妙人生. 
      Thumbs Up 
    1:09 AM | Add a comment | Read comments (2) | Permalink | Blog it | 智"慧森"林的日記
    July 13

    卡拉OK之感受

    尋晚個舊同事生日,响旺角NEWAY卡拉OK玩,大約有十七人,雖然唔係好多人,但係好好玩.仲要飲到四點幾.Party Time 
    真係黑仔,玩乜都輸,結果............咪飲到嘔囉! 都好耐無試過飲到咁醉了. Bum 
     
     
    其實尋晚再一次去PARTY時,都不禁有點唏噓.以前我們一班人每次吹雞去玩時,總會有二三十人,一定要間全卡拉OK最大的房,叫個PACKAGE都係要最貴.因為實在太多人,所以要搶咪搶搖控先至可以有歌唱,如果唔係都唔知可以唱到幾多首歌!當時真係好好玩的.
     
    嗰時我地仲同埋老細一齊去玩,當大家玩時就理得佢係什麼人.試過有一次,有個女仔唔知發乜顛,突然攞起罐開咗o既啤酒飛向老細到,結果老細由頭到腳都係啤酒.嘩!我當時真係覺得好好笑,完全無唸過老細會唔會發脾氣,好彩佢都只係當大家玩啫.
     
    情景依舊,人面全非.依家每次去都只有幾名爛腳(即係每次都會去),其他的人都已經唔同咗,大部份都係佢地的新同事,雖然都係後生仔女,但係點都會有代溝呀.好似好難先至可以玩得埋,唔知係唔係自己老咗呢?而且,每一次出去玩都越來越少人了.
     
    講到唱歌仲好笑,有D新歌新到唔咁簡嚟唱,我以為自己已經好out啦,點知我班爛腳完全唔識得點唱.佢地只係停留三四年前新歌階段.但一唱到舊歌,佢地都唱到好鬼HIGH,我地班老嘢梗係好陶醉其中.到走o既時候,其中一個後生仔都同我講,話我地唱o既都幾唔同時代.  (梗係啦,嗰班老嘢唱林子祥,張國榮,黎明 Leon ,劉華 Andy .....佢地全都係九十年代1990's,現在已經2006啦!) 就算我同birthday girl唱TWINS歌都只係"女人味" "風箏與風" "飲歌"等等.
     
    以前班人都係喺shop返工,幾夜都要到卡拉OK,第二日返幾早都唔肯早走.仲要一個月去三次,真係勤力過做GYM.已經有好多同事都無做,又或者轉到OFFICE返工.現在真係"樹倒胡孫散".
     
    可能真係要同我玩o既年代講聲 Goodbye 
    2:14 PM | Add a comment | Permalink | Blog it | 智"慧森"林的日記
    July 05

    "驚喜"不驚喜

    四天的假期已經接近尾聲,這幾日我男朋友不停在我旁邊囉唆我,說我因為放假終日只顧玩電腦及遊戲機,不懂照顧他,讓他病了個多星期還未好.
    (其實是他每晚看世界盃,睡眠不足所致,還意思話我! )   Mad 
    為咗令佢無聲出,我只好出動我的最後招數: "玩煮飯仔".   Cooking Dinner 
    識我的人也許知道我是十指不沾陽春水的人,我怎會曉得燒飯呢? 我唯有請教我的偉大母親.
     
    原來想給他一個意外驚喜,可惜事與願違.
     
    在昨天約下午五時,我如平常致電他並詢問今晚在那兒吃飯.當然他也如平常回答我,但也質問我為何放假也不燒飯?我便說因沒有時間.為了不要浪費我事前的準備功夫,我一直假裝很想去我家附近的一間餐廳吃今晚晚餐.(當然這是個謊言,其實當時已經準備好所有材料了)
     
    我準備煲"花膠猴頭菇潤喉湯" Bowl (哈哈!梗係用湯包啦!我怎懂得買料呀?)可是原來是需要三小時時間呀.(原來媽媽靚湯真是花不少心機)還要到街市買餸,所以我由下午五時半開始我的"煮飯仔"玩意.
     
    我真的不知道買什麼才是好,所以我決定找"李錦記"和"淘大"幫忙,他們真是夠老友.讓我這個"無飯主婦"演一場好戲.
     
    我"含辛茹苦"的燒好飯後,已經是晚上八時四十五分了,我已經[成吉思汗打仔]般.當然與此同時我再次致電他Telephone, 並怪他還未回家(心想還好他給我多點時間,否則還未燒好.)當然我最想知道他會何時回家去,希望時間能掌握在我手中,不要讓飯餸盛涼了.由於家中只有電飯煲但沒有米,所以我外出買個"靚仔"回家.
    為了不要讓他知道我的精心安排,我以九秒九Runner的速度到茶餐廳花六元買了一個白飯回家.突然心血來潮,我在幻想如在樓下遇上怎樣辦?當時我只好期待升降機快點到逹吧.誰知道當我回頭觀察之際,他已經在我眼前.那時,我很像小偷遇見警察般想找個地方逃避.終於,驚喜變成不驚喜了.
     
    我煮了什麼?哈哈......三餸一湯(椒絲腐乳通菜,小丸子及魚香茄子)
     
     
    1:54 AM | Add a comment | Permalink | Blog it | 智"慧森"林的日記
    July 02

    世界盃已經完結

     Crying 1我唸今晚英格蘭傷盡好多人o既心,尤其係女球迷. 英格蘭出局令到我覺得世界盃已經完結.
    唔知會唔會因為少咗英格蘭都會少咗人睇?  Pouty 我會無咁積極睇囉!
     
    當我地知道應該要射十二碼時,我+我男朋友+朋友Y好無聊咁每人寫低估英格蘭邊五個會先射十二碼,我地仲要估埋先後次序,朋友Y仲講: "不如估邊個射唔入啦!".我地每人估咗一個人射唔入,我地所簡o既都唔同,點知加埋就係現在所有英格蘭失十二碼o既球員. 朋友M堅持唔支持英格蘭,所以佢寜願簡葡萄牙邊五個射十二碼,結果....... (我都唔係好想提"嗰隊"波).
     
    o係英格蘭對葡萄牙射到十二碼時,我攞咗個o係七仔換的PORTUGAL的大口仔出o黎,好似拋"聖杯"咁拋佢,我個friend想問我借用ENGLAND的大口仔用,我梗係唔會理佢啦.點知都係幫唔到英格蘭...........
     
     
    尋晚阿根廷輸完之後,今晚輪到英格蘭,兩隊我最喜歡的球隊都出咗局,今屆世界盃真係完結啦. Bye-bye 
    3:24 AM | Add a comment | Permalink | Blog it | 智"慧森"林的日記
    July 01

    有人歡喜有人愁

    等咗幾日無世界波睇,好似久咗D嘢咁.  No 
     
    今日終於有得睇番波,真係好開心.我好想阿根廷 World Cup  贏,但係打到現在要射十二碼,我班 Best Friends 在我屋企睇波. 有一位買咗"細",另外一位就買咗"主-主 , 和-主",當然90分鐘後,就有人歡喜有人愁 Shut Up 啦. 現在仲未知邊個贏....... Bow Down 
     
    1:40 AM | Add a comment | Permalink | Blog it | 智"慧森"林的日記