Polly Law's profilePOlly LAwPhotosBlogListsMore  |  Tools Help |
|
August 30 爸爸生日上星期日係爸爸生日,
 其實係佢新曆生日,我同我的兄弟姊妹已經係佢舊曆生日時同佢去咗酒樓食飯.  但係老人家真係喜歡熱鬧,所以我地都同佢一齊食到會,買咗pizza同KFC再加壽司,大家都食得好飽.
 自從爸爸舊曆生日之後,我地已經從媽媽口中知道爸爸有些埋怨.
  ,我爸爸竟然話今年生日無收過生日禮物.  (唔係呀.....俾現金都唔係禮物???????????????)
真係比佢激死,我個妹同細佬直程係傷心
 .所以我咪去咗買部電話俾佢囉......真係唔知我爸爸係有心定無意......佢係生日之前一日同我媽媽講
"叫班仔女下年生日送個電話比我都好!"
好彩我有兩手準備,其實係爸爸講之前我已經同細佬妹傾好啦,我負責去買電話.
 最後買咗部K800I BROWN但其實我地都有唔同意見呀,因為佢地認為我爸爸唔係好識用,又話唔係好襯爸爸.
但係我一句BAN咗佢地,因為我話爸爸想要禮物係想SHOW OFF ONLY,所以一定要新款,就算唔識用都要新款,最好出咗一兩日到同剛剛開始賣廣告.
果然不出我所料,爸爸收到份禮物後,開心到見牙唔見眼.  August 16 小額錢債案今日又浪費咗一個下午去上庭,又係我自己個單小額錢債案囉! 其實今次係申索人上訴,因為上次個官已經判咗佢地輸. 佢地唔服.
 一向我爸爸都有同我一齊去上庭,點知佢今日唔得閒,我搵咗我男朋友去陪我.
雖然話就話兩點半開庭,差唔多要遲咗十五分鐘先至開始,唔緊要啦!都到咗囉!
本來同業主立案法團都無乜特別感覺,有時只係覺得大家立場唔同,喺成件事上大家都無錯,
最多錯就錯在上屆主席錯,那個主席做錯事又唔認.
點知新法團主席竟然問咗一個好stupid問題,佢話我:
"究竟妳係唔係業主?"
唔係呀?佢告咗我咁耐,依家問D咁既問題,如果我唔係業主,我點解要出席呀?佢仲質疑埋我爸爸既資格
(我阿媽同我先至係業主,我爸爸係代表我阿媽),我男朋友即刻同我講唔使理佢,佢都有問題告咁耐都唔知告邊個. Ha Ha!都真係幾好笑.
之後仲有一條very very very very stupid stupid 問題,佢地問個官依家我係唔係對呢個維修費唔使俾任何費用?
個官都只好苦笑,我都忍唔住笑啦!係唔係無記性呀?個官上次個判詞裡已經話咗法團輸啦,上次話俾萬五蚊你又好有性格咁唔要囉!點解我地現在仲要俾錢你喎?!
 最後話佢地都無任何新証據,覺得佢地今日係"不必要"既覆決. 當時我feel到個官話佢地浪費大家時間,所以當個官問我有沒有任何索償時,我話有,
個官仲問我係唔係工作上的損失,跟住個官話判$300比我.
嘩!我梗係要啦!每次佢係咁上訴,我咪成日都要出庭?咁咪好唔得閒.唔知佢下一步又會點做?
P.S. 個官係姓黃,佢好有耐性同好SINCERE呀.
August 10 又話唔打風天文台係唔係又玩嘢呢?個風好似打得香港好正喎.今朝早又話發三號風球機會不大,現在又改口風.有時天文台真係唔信得過,尤其是知道佢仲用梗三十年前的方式去決定發幾多號風球.
 又中五放榜啦!回想十年前今日我都好似佢地咁四圍走,想讀書,不停搵學校.真係一轉眼就覺得時間過得好快.我當時成績考得唔好,新聞一句令我感受良多:
"一份唔理想的成績表,換成兩行眼淚!"
 今日睇咗一個漫畫覺得好有啓示, 人每日都會面對不同的考試,可能有時考得好D,有時考得差D,我地係唔可以用一日嚟決定自己成績同成敗. 但我覺得最起碼我們係盡力參加每一個考試.令自己可以得到最好o既成績.咁對自己有個交待. August 08 困電梯這麼大個還未試過困電梯,每一次見到有人困電梯,我都不禁覺得自己是幸運兒.可是,第一次終於來臨了.
昨天是我和家人的聚會,屈字一算,總共有二十幾人到祖父母家吃飯
 .  .當然,大家是一起離開祖父母家.我們一行十六人一起撘電梯.
 當入電梯時,大家還說笑這麼多人乘電梯是否安全.說時遲,那時快,電梯突然停下來
 .大家還以為到逹地下.可是我們等了一會兒,電梯還沒有開門.此時,我第一時間按警鐘.誰料我按了十分鐘還沒有人在對講機回應.
 救命呀!我們一行十六人就這樣便困在電梯內.
姑丈說:我時常遇到困電梯,今年我試過三次.
二叔說:吓!原來你咁黑,早知唔同你一齊撘lift啦!
姑丈再說:係呀!最少一個鐘!睇吓佢地會搵電梯公司定搵消防員.
真佩服他們還有心情說笑,我沒有理會他們,只顧不停按警鐘.終於,有位保安人員透過對講機說
"唔使噤鐘啦,已經打咗電話."
當我想回答的時候已經再次沒有人說話了,我便不理會那個保安人員的說話繼續按警鐘,我怎知道你是通知了電梯公司的人員還是報了警?我怎知道還要等多久?我想保安人員最少也給與我們一些安慰說話吧!
另外,那個對講機竟然放在還比我高的地方!我自問個子不小,要是身材比我矮小的人要怎樣才可以使用那個對講機了.
 除了按alarm外我還嘗試
 打電話報警,可是是失敗的,無論是999或是112,都是不成功.十六人一起困在一個狹窄地方,大家都感到熱氣上升,氧氣不夠了.還好,那個抽氣扇仍然作業中.大家邊說氧氣不夠,邊仍然你一言我一語.我心想"不如大家都不要再說話了,否則我們會一個接一個暈下去!"  最後,我們終於經四十五分鐘的困電梯,電梯公司的職員及消防員一起到達,他們用人手攪動電梯並令它降下,感覺就像玩跳樓機一下一下放下.當我走出電梯時,我差點便嘔了出來,說到底剛才的四十五分鐘我們十六人一起困在一個密室內.
P.S.雖然我有點兒頭暈,但我還是見到那班消防員十分有型!哈哈! August 03 放棄不放棄今天又去比賽,幾經辛苦吓,HKJC終於贏咗波.由第一節領先五分,第二節領先三分,第三節領先一分至第四節領差不多比人追平,成個過程都好辛苦,因為我地今日只係得七個人打,仲要有兩個唔係好識打波o既人,而且我地不停比人追上嚟. 我真係累到連進攻同防守都跑唔到. 好彩今日幸運之神眷顧我地,所以可以20比16贏波.
 打波的時候我覺得自己好好笑,因為我已經無辦法再去追波,但係教練話要用我嚟防守,所以知道我無力仍要我打落去. 我原本好想放棄,但係見到我班隊友好用力替我打氣,我就無give up.
佢地好好笑,知道我唔夠氣時不停係場邊提我點做,
例如:失波時我只係企係到抖氣,波友就好大聲叫我"回防呀!" , "跑......停" , "去到個邊先至抖氣啦!" , "向左呀, shoot!".跟住我就會跑得到,好似佢地係到搖控我咁,好似打機咁
 我忽然唸起,當你好想放棄時,你身邊有無人支持你呢?
 如果今日無佢地支持我,我一早放棄咗. 雖然有時會覺得好似比人控制咁, 但至少我隊友教練都無放棄我,所以我都唔可以放棄隊波.
我有時覺得自己都幾幸運,因為每一次當我走到低沉時走到放棄邊沿時,我身邊總有人支持我鼓勵我. 多謝你地呀! |
|
|
