Polly Law's profilePOlly LAwPhotosBlogListsMore  |  Tools Help |
|
September 30 得番一個人男朋友去咗上海呀.......仲要一去就四日(當然包括今日啦!)得番我一個人......
 同佢住咗一齊都未試過分開耐,感覺好似怪怪咁........
唔緊要啦!都唔係太耐....我仲可以霸了全部的電腦,電視同PS2添
 我阿媽仲驚我寂寞......打電話問候我寂寞嗎?我覺得好好笑囉........
 都唔錯.......可以試吓有自己的私人空間.......
最好笑係我男朋友走之前問我夠唔夠
 錢使...仲話放低多些錢比我,驚我想用時無錢使...真係甜  !不過我覺得佢有點低能囉.......我都有提款咭啦!哈哈!佢仲話我一係要有人照顧.....一係要有錢照顧........由於佢呢幾日唔可以照顧我.......所以要放低$$$$$$$$$$$嚟照顧我....我仲細喎!(低能)
P.S. 啱啱收到佢個SMS......佢話架  都唔好坐........可能係佢遲咗BOOK la......所以無得坐港龍.......要坐南方航空.......September 18 旅行好開心嘩!放完個大假囉.好開心呀!因為剛剛個大假去咗沙巴玩,真係同陽光玩遊戲.
 每一日都要用好多太陽油  ,因為真係好好陽光. 每一日我都係swimming.
 .....sleeping........同eating.....真係好開心.成日都係咁就好啦!  沙巴呢個地方真係好得意同好特別,因為它可以朝早好好陽光,下午就可以落好大雨.
 ,仲要行雷閃電 .每一日就好似幫你洗好個風景,等第二日可以好好天比我地去曬太陽.好彩我男友係出發前好叻咁叫我拿
 .如果唔係我哋咁多日都要淋雨仲要無得去市中心玩啦!雖然係咁,我都影咗好多相
 ,因為實在風景好靚.  今次係我第一次跟旅行團去trip
 ,本來唸住都唔係咁願意,因為我好怕每日都要好似走難般好早起身.點知,原來呢個團有好多節目都係自由行,可以選擇唔去.
所以我大部份時間都係o係酒店度玩,我已經心滿意足了!
最印象深刻就係去咗一個荒島玩降落傘同浮潛
 ,好多魚係身邊游嚟游去,感覺好得意.起初都唔敢餵魚,因為佢地好狼死咁搶食我d面包.唯一可惜........現在不復當年勇.....唔可以再著
 . 唔得....我一定要好好努力,我下一次去陽光與海灘時show show 自己美好的身材.
September 06 男朋友的生日我男朋友尋日生日,由於要返公司的關係,我只好在放咗工之後同佢去咗食飯.點知開會遲咗,遲咗去同佢食飯.
 其實係佢生日之前,佢已經拿住本自助餐書話要食自助餐.為咗令佢生日開心d,我唯有就佢啦!最後佢簡咗銅鑼灣o既Mr. Steak.
唔知係唔自己肚餓,所以我覺得 "好好食呀!"
 尤其是佢個牛肉 "極品千層牛" . 唔單之請佢去食自助餐,我仲靜靜雞走去做我人生的第一個蛋糕,我自問我係一個唔識整嘢食的人,所以我真係膽粗粗咁去試o下.
 整完之後,我自己就唔係好滿意,但點都係自己好比心機去整,希望好食啦.
為咗令佢有驚喜,我唯有欺騙佢我朝早有嘢做要先走.到放工時我又拿住個cake去餐廳又唔可以比佢見到tim.
點知佢話要食完自助餐後要睇戲,點得呀.......我個蛋糕點算喎?但係佢好堅持.....仲嬲我唔去買飛.......又唔可以咁快爆自己整咗個蛋糕.....真係有苦自己知.
唉!到佢見到個cake時佢竟然話間餅鋪都幾特別喎,都未見過呀!個盒都幾靚,邊間新餅鋪到買?
哈哈!
 都唔知好嬲定好笑. By the way,佢反應都係好似一般,又唔係好surprise,又唔係好喜歡個cake........算啦!滿足咗自己就算囉.September 04 旅行在即為咗慶祝我同我男朋友拍施十週年紀念,我地選擇咗去旅行.
由開始搵地方到報名,我全部都交給我的男朋友話事,其實我去邊到都無所謂,再者我實在太lazy啦!
又要上網搵資料,又要去旅行社問三問四.真係唔好煩到我啦.
 終於選擇好啦! 唉!我男朋友話為咗要保持神秘感,要上機先知話我知.其實都幾好玩啦!都幾新奇喎!
原來我地係會去馬來西亞 -- 沙巴. 現在唸起都開心,快d到個日就好啦!  |
|
|
